Գրքեր

Աղոթք՝ ըստ սովորության

Մի հարուստ ընտանիքում դադարեցին ուտելուց առաջ աղոթել: Մի անգամ մի քարոզիչ հյուր եկավ նրանց: Նրբաճաշակ ճաշի սեղան պատրաստեցին, համեղ կերակուրներ և ըմպելիքներ մատուցեցին: Ընտանիքը սեղան նստեց: Բոլորը քարոզչին էին նայում՝ մտածելով, որ նա կաղոթի ճաշից առաջ: Սակայն քարոզիչն ասաց.

- Ընտանիքի հայրը պետք է աղոթի, քանի որ նա ընտանիքի առաջին աղոթարարն է:

Տհաճ լռություն տիրեց: Հայրը, թեթև հազալով, ասաց.

- Թանկագին հյուր, մենք չենք աղոթում, որովհետև ուտելուց առաջ ասվող աղոթքում անընդհատ նույնն է կրկնվում: Ըստ սովորության ասված աղոթքը դատարկախոսություն է: Ամեն օր, ամեն տարի անընդհատ կրկնվող այդ խոսքերը ամենևին չեն օգնում, այդ պատճառով էլ այլևս չենք աղոթում:

Քարոզիչը զարմանքով նրանց էր նայում և այդ պահին նրանց յոթնամյա դուստրն ասաց.

- Հայրի՛կ, մի՞թե այլևս կարիք չկա ամեն առավոտ քեզ մոտ գալ ու «բարի լույս» ասել:

 

Ռուսերենից թարգմանությունը՝ Էմիլիա Ապիցարյանի 

16.06.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․