Անխիղճ խղճահարությունը

Խղճահարությունը մի խեղդվող մարդու տեսավ: Նետվեց ջուրը, բռնեց նրա մազերից ու քաշեց դեպի ափը:

- Այդ ի՞նչ ես անում,- վրդովվեց կեղծավորությունը,- ախր ցավեցնում ես նրան:

Բայց խղճահարությունը ոչինչ չպատասխանեց: Դրա ժամանակն էլ չկար: Նա լողաց մինչև ափն ու առաջին օգնություն ցույց տվեց համարյա խեղդված մարդուն:

- Շնորհակալություն,- շշնջաց նա՝ աչքերը բացելով,- կյանքս փրկեցիր:

Իսկ իմաստությունն ասաց.

- Ամեն ինչ ճիշտ է: Երբ անհրաժեշտ է, իսկական խղճահարությունը պետք է անխիղճ լինի:

Ռուսերենից թարգմանությունը՝ Էմիլիա Ապիցարյանի