Ապացույցը

Մի ծաղրասեր մարդ տեսավ, թե քահանան ինչպես է բջջային հեռախոսով խոսում և հարցրեց.

- Տե՛ր հայր, իսկ մի՞թե բջջայինով խոսելը մեղք չէ:

Քահանան նայեց նրան ու հարցին հարցով պատասխանեց.

- Իսկ դանակն, ըստ քեզ, մե՞ղք է:

- Ի՞նչ,- հանկարծակիի եկավ մարդը:

- Ասում եմ, որ դանակով կարելի է և՛ հաց կտրել, և՛ մարդ սպանել: Բանն ամենևին էլ առարկայի մեջ չէ, այլ դրա նկատմամբ մեր վերաբերմունքի,- ասաց քահանան ու չշարունակեց զրույցը, քանի որ զանգահարեցին նրան և խնդրեցին շտապ մեռնողի մոտ գնալ՝ խոստովանության և Սուրբ Հաղորդություն տալու համար:

Ռուսերենից թարգմանեց Էմիլիա Ապիցարյանը