Քահանաներ Ծխական խորհուրդ Տիկնանց միություն Երիտասարդաց միություն Ցերեկային կենտրոն 
Քրիստոնյա ընտանիք Հարցազրույցներ Ուխտագնացություն Սոցիալական ծառայություն
Առաջին հանդիպածը
Մի անգամ մի երիտասարդ ամուսնական զույգ հազար ռուբլի բերեց իր խոստովանահորը: Այն ժամանակ դա մեծ գումար էր: Խոստովանահայրը չընդունեց այդ գումարը, այլ իր օրհնությունը տվեց, որպեսզի տան ճանապարհին առաջին հանդիպած մարդուն: Այդ հանդիպածը պարզվեց… սարսափելի հարբած մի տղամարդ էր: Երիտասարդ կինը շփոթված հարցրեց ամուսնուն. «Բա ի՞նչ անենք հիմա»: Ամուսինն անվրդով պատասխանեց. «Ինչպես հայրն ասաց, այդպես էլ կանենք»: Հենց նրանք գումարն այդ մարդուն հանձնեցին, նա միանգամից սթափվեց. «Թանկագիննե՜րս: Ինչպե՞ս շնորհակալությունս հայտնեմ ձեզ: Դուք ինձ մահից փրկեցիք»: Պարզվեց, որ այդ խեղճ մարդն առևտրի ոլորտում էր աշխատում և ճիշտ այդ չափի գումարի պակասորդ էր տվել: Տանն այդքան գումար չուներ և անխուսափելիորեն բանտում պիտի հայտնվեր: Նա հուսահատության էր մատնվել և որոշել վերջ տալ կյանքին: Իսկ քաջության համար մի լավ խմել էր…
Ռուսերենից թարգմանությունը՝ Էմիլիա Ապիցարյանի
