Գրքեր

Առաքինության չափը

Այսպիսի ձայն եկավ նաև սուրբ Մակարիոսին, թե՝ չես հասել երկու կանանց առաքինության չափին, որ Եգիպտոսում են: Եվ նա վերցնելով գավազանը` գնաց նրանց տեսնելու` հրեշտակից գիտենալով նրանց անունն ու տունը: Եվ երբ մտավ նրանց տուն, սիրով ու պատկառանքով ընդունեցին նրան: Եվ ասաց նրանց. «Այս ամբողջ չարչարանքը հանձն առա ձեր վարքը ուսանելու համար. հանուն Քրիստոսի՝ պատմե՛ք ինձ»: Նրանք ասացին. «Երկրներով և գավառներով միմյանց օտար ենք. եկանք, դարձանք երկու եղբոր կանայք, և առաջինը, որ խորհեցինք միասին, աղաչանքն էր մեր ամուսիններին`պահել մեր կուսությունը, սակայն մեզ չլսեցին: Ապա Տիրոջ սիրով ուխտեցինք միասին լինել և մեր բերանները սուրբ և կույս պահել կատակներից ու տրտունջներից, իսկ մեր խորհուրդները՝ սին ու դատարկ մտածումներից: Եվ ահա տասնհինգ տարի է` իրար հետ ենք և միմյանց չտրտմեցրինք»: Եվ Մակարիոսը, լսելով այս, ասաց. «Ճշմարիտ եմ ասում ի Տեր, որ ո՛չ մարմնի կուսությունը, ո՛չ հանապազօրյա ճգնությունը չեն կարող հասնել այդպիսի վարքի»:

 

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016

25.08.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․