Գրքեր

Արատներ, որոնցից չես կարող հրաժարվել

Սուրբ Մակար Մեծի ժամանակակիցներից մեկը՝ սուրբ Ագաֆոն Եգիպտացին, ճգնում էր եգիպտական անապատում: Նա առանձնանում էր բացառիկ խոնարհությամբ՝ մարդկանց մեջ իրեն ամենամեղավորը համարելով: Մի անգամ մի քանի վանականներ եկան սրբի մոտ՝ հոգևոր զրույցի ակնկալիքով և հարցրեցին.

- Դո՞ւ ես Հայր Ագաֆոնը:

- Ձեր առջև է Աստծո մեղավոր ծառան,- պատասխանեց սուրբը:

- Լուրեր են պտտվում, որ դու հպարտ ու անժուժկալ մարդ ես,- շարունակեցին վանականները:

- Միանգամայն ճիշտ է,- համաձայնվեց սուրբը:

- Նաև լսել ենք, որ դու ստախոս ես ու սիրում ես ուրիշներին քննադատել:

- Դա էլ է ճիշտ,- հաստատեց սուրբ Ագաֆոնը:

- Բացի այդ, ասում են, որ դու հերետիկոս ես,- չէին հանձնվում վանականները, բայց միանգամից առարկության հանդիպեցին:

- Իզուր, քանի որ ես հերետիկոս չեմ:

Երբ հարցրեցին սրբին, թե մյուս արատներն իր վրա վերցնելով՝ ինչո՞ւ վերջինից հրաժարվեց, սուրբը բացատրեց.

- Չես էլ կարող այդ արատները քեզ չվերագրել, քանի որ յուրաքանչյուր մարդու էլ հատուկ է մեղանչելը և մեր աղճատված բնության պատճառով բոլորս էլ ակամայից տարվում ենք արատներով, իսկ հերետիկոսությունն աստվածուրացություն է, Աստծո ճշմարտությունից ինքնակամ հրաժարում:

 

Ռուսերենից թարգմանությունը՝ Էմիլիա Ապիցարյանի  

28.09.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․