Արթուն և զգաստ լինելու մասին

Ծերն ասաց. «Երբ զինվորները մարտի են ելնում, չեն մտահոգ­վում մյուսների մասին, թե ով կխոցվի, այլ ամեն ոք իր անձի մասին է հոգ տանում. այդպես և կրոնավորը պետք է անի: Ինչպես օրինակ` չի խոցվում այն զինվորը, որը մերձ է արքային, այնպես էլ դևը չի կարող վնասել նրան, ով Աստծուն մոտ է կանգնած, քանզի ասում է. «Մերձեցե՛ք ինձ, և ես կմերձենամ ձեզ» (Հակոբ Դ 8): Սակայն քանի որ հեշտությամբ ենք մտքով ցրվում, հեշտությամբ էլ թշնամին մեզ ամեն տեսակ մեղքերի մեջ է գցում»:

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016