Գրքեր

Եկ կռվենք

Երկու ծեր վանական էր ապրում մի խցում և նրանց միջև երբեք որևէ դժգոհություն չէր առաջացել: Սա տեսնելով՝ մեկը մյուսին ասաց.

- Եկ մենք էլ գոնե մի անգամ գժտվենք, ինչպես մարդիկ են անում:

Մյուսը պատասխանեց.

- Նույնիսկ չգիտեմ էլ, թե վեճն ինչպես է առաջանում:

Առաջինն ասաց.

- Մեր առջև մի կավե կճուճ կդնեմ ու կասեմ. «Իմն է», իսկ դու ասա. «Ոչ, քոնը չէ, իմն է»: Դրանից վեճ կծնվի, վեճից էլ՝ կռիվ:

Այսպես պայմանավորվեցին ու կճուճն իրենց առջև դրին: Մի ծերունին ասաց.

- Սա իմն է:

Մյուսը պատասխանեց.

- Իսկ ես կարծում եմ, որ իմն է:

Առաջինը կրկին ասաց.

- Քոնը չէ, այլ իմն է:

Այդժամ երկրորդը պատասխանեց.

- Եթե քոնն է, ապա վերցրու քեզ:

Եվ այդպես էլ վիճաբանության չհասան…

Իգնատի Բրյանչանինովի մեկնությունը.

Ահա՛ ըստ ավետարանական պատգամների և խոնարհությամբ ապրելու պտուղը: Սրան սովոր սիրտն ընդունակ չէ կռվարարության ու վեճերի, այն պատրաստ է ամեն տեսակի զիջումների գնալ՝ վեճ ու կռվից խուսափելու համար:

 

Ռուսերենից թարգմանությունը՝ Էմիլիա Ապիցարյանի

17.01.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․