11 Օգոստոս, Գշ, Աստվածածնի պահքի Բ օր

Գրքեր

Երազանքներ

Մի երիտասարդ անհամբեր աջ ու ձախ գնում-գալիս է եկեղեցու մոտ: Քահանան

մոտենում է ու հարցնում.

- Ի՞նչ է պատահել.

- Երեկ այստեղ Աստծուն հանդիպեցի: Ասաց, որ խնդրանքս կկատարի և այսօր հենց այստեղ

կուղարկի իմ պահապան հրեշտակին, որպեսզի ինձ տանի իմ երազանքների հեռավոր

քաղաքը,- պատասխանում է մեծ սպասումներով լի երիտասարդը:

Մի քանի րոպե անց ճռճռալով, դանդաղ մի սովորական սայլ է մոտենում: Այն կանգնում է: Աչքի չընկնող հանդերձանք հագած սայլապանն ասում է.

- Ինչո՞ւ ես անտարբեր ու շշմած կանգնել. ես եմ այդ հրեշտակը, որ քեզ պիտի տանեմ

երազանքներիդ հեռավոր քաղաքը:

- Բայց ես այլ բան էի սպասում..., իսկ այս սայլով բազում տարիներ են պետք, որ իմ նպատակն իրագործվի. այդ ճանապարհն այնքան հեռու է, որ միգուցե այս սայլով նույնիսկ

չհասնեմ իմ երազանքների քաղաքը, - տրտնջալով պատասխանում է երիտասարդը:

Հրեշտակն ասում է.

- Այն, ինչ երազում ես և մանավանդ արագ իրագործել, Աստված այլ կերպ է տեսնում և ծրագրում և այժմ քեզ համբերություն, խոհեմություն և իմաստություն է սովորեցնում:

Հովհաննես  Մանուկյան

23.03.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․