22 Նոյեմբեր, Ուր, Հիսնակաց պահքի Ե օր

Գրքեր

Երիտասարդ ուխտավորների այցը Զորավոր Ս. Աստվածածին եկեղեցի

Նոյեմբերի 7-ին Երևանի Կոմիտասի անվան պետական կոնսերվատորիայի ժողովրդական նվագարանների և ազգային երգեցողության ամբիոնի 2-րդ կուրսի ուսանողները, հայ հոգևոր երաժշտության դասախոս Անահիտ Բաղդասարյանի նախաձեռնությամբ և ուղեկցությամբ, ուխտի էին եկել Զորավոր Ս. Աստվածածին եկեղեցի: Կոնսերվատորիայից մինչև եկեղեցի ձգվող կարճ ճանապարհն ուսանողերն անցել էին՝ կոմիտասյան աշխարհիկ և հոգևոր երգեր կատարելով: Եկեղեցում ուսանողներին ողջունեց և ԱՀԹ առաջնորդական փոխանորդ գերաշնորհ Տ. Նավասարդ արք. Կճոյանի օրհնությունը փոխանցեց խորհրդակատար Տեր Վահան քահանա Առաքելյանը: Երիտասարդ ուխտավորներին Տեր Հայրը ներկայացրեց եկեղեցու կառուցման պատմությունը, Զորավոր անվան բացատրությունը և թե ինչ սրբություններ, ուխտի օրեր ունի Երևանի հնագույն սրբավայրը:

Այնուհետև եկեղեցուն կից Ս. Անանիայի մատուռ-դամբարանում երիտասարդ ուխտավորները խոնարհվեցին սրբի շիրիմի առջև և Ս. Պատարագից հատվածներ ու շարականներ երգելով՝ իրենց միասնական աղոթքը հղեցին առ Տեր:

Ուսանողներից Անիին մեծ ուրախություն էր պատճառել Զորավոր Ս. Աստվածածին եկեղեցի այցելելը և եկեղեցում շարականներ կատարելը. «Ամեն անգամ հոգևոր երգ կատարելով՝ ես աղոթում եմ: Այն հոգևոր գիտելիքները, որ ստացել եմ դպրոցում, իսկ այսօր արդեն կոնսերվատորիայում հայ հոգևոր երաժշտության դասերի ընթացքում, առավել է ամրապնդել իմ հավատը: Մեզ համար կարևոր է մեր քրիստոնեական հավատը և մեր հավատը պահպանող Հայ Առաքելական Սուրբ եկեղեցին»:

 

Կարինե Սուգիկյան

07.11.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․