Գրքեր

Երկաթը

Կար չկար երկաթի մի կտոր, որն սկսել էր ժանգոտվել: Ժանգն անխնայորեն կրծում էր նրան: Եվ երկաթն այնքան ցանկացավ ժանգից ազատվել, որ սկսեց Աստծուն խնդրել. «Աստված իմ, փրկիր ինձ այս ժանգից»: Իսկ երկաթի կողքին մի խարտոց էր ընկած: Լսեց, թե երկաթն ինչպես է խնդրում Աստծուն, որ իրեն ժանգից ազատի ու իր օգնությունն առաջարկեց:

- Դե ո՜չ, միայն թե ոչ դու,- բացականչեց երկաթը,- դու այնքան կոշտ ու կոպիտ ես: Աստված ինձ համար մի ինչ-որ փափուկ մածուկ կուղարկի կամ թավշե կտոր:

Այդ ժամանակ մի բանվոր էր անցնում մոտակայքով, տեսավ, որ երկաթը ժանգոտում է ու խարտոցը ձեռքն առնելով՝ սկսեց ժանգը մաքրել: «Միայն թե ոչ խարտոցով, միայն թե ոչ խարտոցով»,- հառաչեց երկաթը: Իսկ բանվորը լսեց, թե երկաթն ինչպես է ճռնչում ու ասաց. «Այս խարտոցն իսկն այս երկաթի համար է, ուրիշ ոչնչով այն չես մաքրի»:

 

Ռուսերենից թարգմանությունը՝ Էմիլիա Ապիցարյանի

27.02.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․