Գրքեր

Երկու ճանապարհ

Ճամփաբաժանին երկու ճանապարհ հանդիպեցին՝ լայնն ու նեղը:

- Քեզ ամբողջովին աչքաթող ես արել, քարերով ու մացառներով ես լցվել,- սկսեց նեղ ճանապարհին նախատել լայնը,- քո ճամփորդները, մեկ էլ տեսար, քաղցից ու հոգնությունից կմեռնեն: Իսկ ես հարթ ու գեղեցիկ եմ: Ճամփեզրերիս սրճարաններ, ռեստորաններ ու տներ են՝ իրենց բոլոր հարմարություններով: Ապրիր և ուրախացիր...

- Ինչո՞ւ հանկարծ լռեցիր: Խոսքերիցդ ելնելով լավ ես ապրում,- զարմացավ նեղ ճանապարհը:

- Լավը լավ է…,- հոգոց հանեց լայնը,- բայց իմ վերջում անդունդ է: Անհատակ, սև ու մռայլ: Այնպիսին, որ նույնիսկ նկարագրել չեմ կարող: Շատ մարդիկ չեն էլ կասկածում դրա մասին: Իսկ նրանք ովքեր գիտեն՝ հեռու են վանում իրենցից այդ միտքը: Երևում է ողջ ճշմարտությունը չգիտեն: Իսկ ես այնքան եմ այդ անդունդին նայել, որ աշխարհում ամեն ինչից շատ, վախենում եմ մի օր դրա մեջ սահել: Իսկ դա արդեն մեկ ընդմիշտ կլինի: Էհ, իսկ դու ինչպե՞ս ես ապրում:

- Դժվար է,- հոգոց հանեց նեղ ճանապարհը,- և նրանց համար էլ, ովքեր անցնում են ինձնով, հեշտ չէ: Բայց, փոխարենն, իմ վերջում մի սար է: Եվ դրա վրա բարձրացածներն այնքան լուսավոր են, ուրախ ու երջանիկ, որ քեզ նույնիսկ նկարագրել չեմ կարող: Եվ ես էլ ամենից շատ ուզում եմ այնտեղ հայտնվել, որովհետև հույս ունեմ, որ դա ընդմիշտ է:

Այսպես խոսեցին ճանապարհներն ու տարբեր կողմեր գնացին: Իսկ ճամփաբաժանին մնաց այն մարդն, ով լսեց այս ամենը: Եվ ահա թե ինչն է տարօրինակ՝ նա մինչ այժմ կանգնել է այնտեղ ու դեռ մտածում է, թե որ ճանապարհով գնա:

 

Ռուսերենից թարգմանությունը՝ Էմիլիա Ապիցարյանի

30.01.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․