Գրքեր

Երկու նկար

Կար չկար մի թագավոր: Մի անգամ նա ցանկացավ նկարի վրա պատկերված հանգստություն տեսնել և պարգև խոստացավ լավագույն նկարի համար: Շատ նկարիչներ փորձեցին այդպիսի նկար նկարել: Թագավորը բոլոր գործերը նայեց, բայց միայն երկուսն իսկապես նրան դուր եկան: Դրանցից լավագույնն էլ պիտի ընտրեր:

Մի նկարի վրա խաղաղ լիճ էր պատկերված: Դրա հայելանման մակերեսի վրա արտացոլվում էին շրջակա լեռները, կապույտ երկինքն ու ամպերը: Յուրաքանչյուրն, ով նայում էր այդ նկարին, մտածում էր, որ հենց դա է հանգիստը պատկերող կատարյալ նկարը:

Երկրորդ նկարում լեռներ էին՝ մերկ ու անհարթ: Երկինքը փոթորկված էր, փայլատակում էր կայծակն ու անձրև էր գալիս: Լեռան վրայից փրփրոտ մի ջրվեժ էր գահավիժում ներքև: Այդ ամենն ամենևին էլ խաղաղ չէր թվում: Սակայն ջրվեժին նայելով՝ արքան մի փոքրիկ թուփ տեսավ դրա ետևում, որ աճել էր ժայռի ճեղքի մեջ: Թռչունը բույն էր հյուսել այնտեղ ու փոթորկված ջրով շրջապատված՝ ձագուկներին էր սպասում:

Հենց այդ նկարն էլ թագավորն ընտրեց՝ ասելով.

- Հանգիստ՝ չի նշանակում մի տեղ, ուր հանդարտ ու խաղաղ է, որտեղ աղմուկ ու անհանգստություն չկա կամ լարված աշխատանք: Հանգիստն այն է, երբ այդ ամենը կա, սակայն դուք ձեր սրտում պահպանում եք անդորրն ու խաղաղությունը:

 

Ռուսերենից թարգմանությունը՝ Էմիլիա Ապիցարյանի

31.01.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․