3 Հունիս, Դշ, Դ օր Հոգեգալստյան, Պահք

Գրքեր

«Հավատը բոլոր բարի գործերի մայրն է»

Աստծո հանդեպ ճշմարիտ և կենդանի հավատ ունեցողն անհնար է, որ չձգտի այն տարածել ու փոխանցել ուրիշներին: Ճշմարիտ հավատը չի կարող այլ կերպ արտահայտվել, քան գործով, քանի որ Ս. Եփրեմ Ասորու վկայությամբ՝ «Հավատը բոլոր բարի գործերի մայրն է, քանի որ «առանց հավատի անհնար է Աստծո բարեհաճությունը շահել» (Եբր. 11:6) և պատվիրանապահ լինել»: Մարդը կարող է բարի օրինակ ծառայել ոչ այնքան խոսքով, որքան գործով, հետևյալ առածը ևս հաստատում է բարի գործի արժեքը. «բարի խոսքը արծաթ է, բարի գործը՝ ոսկի»:

Եկեղեցու սուրբ հարկից ներս հավատի գործուն արտահայտություններն են սոցիալական ծրագրերը, որ նպատակ ունեն հոգևոր և նյութական աջակցություն ցուցաբերել կարիքի մեջ հայտնված անձանց: Հուլիսի 5-ին Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, Նազարյան Մերիին (44տ.) հանձնեց դրամական օգնություն (50 000 դրամ), որ տրամադրել էր համայնքի անդամ Բաղդասարյան Արմենը: Մերին իր ամուսնու և երկու զավակների հետ վարձակալությամբ բնակվում է Մանթաշյան 3 շ, 21 բն. հասցեում: Մարտիրոսյան ընտանիքը 12 տարի առաջ ստիպված է եղել Կապան քաղաքից Երևան տեղափոխվել, որպեսզի ընտանիքի ավագ զավակը՝ Մարատը (23տ.), որ Դաունի համախտանիշ ունի, կարողանա համապատասխան կրթություն ստանալ: Ընտանիքի մայրը՝ Մերին, ասաց, որ Մարատը սրտի արատ ունի, բայց չի վիրահատվել, քանի որ իրեն չի կարելի նարկոզ ընդունել: «Երևան տեղափոխվելուց հետո տղաս տասնվեց տարեկանից սկսել է հաճախել «Փրկություն» հաշմանդամ երեխաների և երիտասարդների կենտրոն ԲՀԿ, մեկ տարի է նաև՝ «Արև-երեխաներ» ՀԿ: Մարատը շատ է սիրում նկարել, պարել, հաճախում է «Արև-երեխաներ» ՀԿ-ի Արևի թատրոն և անհամբերությամբ սպասում է, թե երբ է գալու թատրոնի օրը: Շնորհակալ եմ «Արև-երեխաներ» ՀԿ-ին և աջակից անձին՝ ուշադրության և աջակցության համար, քանի որ երբեմն ամուսնուս աշխատանքի հետ կապված դժվարանում ենք տան և կոմունալ վարձերը վճարել»,- ասաց Մերին:

 

Կարինե Սուգիկյան

05.07.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․