Գրքեր

Ի՞նչ է սերը

Կրտսեր դասարանի մի աշակերտ հարցրեց ուսուցչուհուն.

- Սերն ի՞նչ է:

Ուսուցչուհին զգաց, որ մյուս երեխաներն էլ ուշադրությամբ լսում են, ուստի ինքը պարտավոր է ազնվորեն պատասխանել: Շուտով դասամիջոց էր, և նա երեխաներին դպրոցի պարտեզ տարավ ու խնդրեց, որպեսզի նրանցից յուրաքանչյուրը որևէ բան բերի, որը ցույց կտար նրանց սրտի սերը:

Երեխաները ոգևորությամբ ցրվեցին ու երբ վերադարձան, ուսուցչուհին ասաց.

- Այժմ, թող յուրաքանչյուրը ցույց տա, թե ինչ է բերել:

Առաջին աշակերտն ասաց.

- Ես ծաղիկ եմ բերել, այն շատ գեղեցիկ է:

Երկրորդն ասաց.

- Ես թիթեռ եմ բերել, տեսե՛ք ի՜նչ գույնզգույն թևեր ունի: Ես նրան իմ հավաքածուի մեջ կդնեմ:

Երրորդն ասաց.

- Իսկ ես թռչնի այս հրաշք ձագուկին եմ բերել: Նա ընկել էր բնից:

Այդպես հերթով նրանք ցույց տվեցին, թե ինչ են հավաքել պարտեզում:

Երբ բոլորն ավարտեցին ցուցադրությունը, ուսուցչուհին նկատեց, որ մի աղջիկ ոչինչ չէր բերել և իրեն անհարմար էր զգում այդ պատճառով: Նա հարցրեց աղջկան.

- Իսկ դու ոչինչ չգտա՞ր:

Աղջիկը ամաչելով պատասխանեց.

- Ներեցե՛ք ինձ: Ես տեսա ծաղիկը, զգացի դրա բույրը, ցանկացա պոկել, բայց հետո որոշեցի ձեռք չտալ, որպեսզի բույրը տարածվի ողջ այգում: Թիթեռնիկին էլ տեսա, բայց նա այնքան երջանիկ էր թվում մի ծաղկից մյուսը թռչելիս, որ չհամարձակվեցի բռնել նրան: Բնից ծառի ճյուղերին ընկած ձագուկին էլ տեսա, բայց երբ բարձրացա ծառի վրա ու տեսա նրա մոր տագնապով լի աչքերը, նախընտրեցի նրան իր բույնը վերադարձնել: Բայց ես ինձ բերել եմ ծաղկի բույրը, թիթեռի ազատությունն ու ձագուկի մոր երախտագիտությունը: Դրանք ինչպե՞ս կարող եմ ցույց տալ:

Ուսուցչուհին գովեց աղջկան ու բացատրեց երեխաներին, որ սերը կարելի է միայն սրտում պահած բերել:

 

Ռուսերենից թարգմանությունը՝ Էմիլիա Ապիցարյանի

17.11.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․