Գրքեր

Իրական արժեքը

Մի վաճառական Աֆրիկայում աղավնու ձվի մեծության մի ալմաստ քար ձեռք բերեց: Քարը մի թերություն ուներ՝ ներսում ճաք կար: Վաճառականը ոսկերչից խորհուրդ հարցրեց, որն էլ ասաց.

- Այս քարը կարելի է երկու մասի կոտրել, որոնցից երկու հրաշալի ադամանդե քար կստացվի, որոնցից յուրաքանչյուրը շատ ավելի թանկ կարժենա, քան այս ալմաստը: Բայց անզգույշ հարվածը բնության այս հրաշքը կարող է մանր կտորների վերածել, որոնք արժեք չեն ունենա: Ես նման ռիսկի չեմ գնա:

Մյուս ոսկերիչներն էլ նույն կերպ արձագանքեցին: Մի անգամ նրան առաջարկեցին դիմել լոնդոնցի մի ծեր ոսկերչի, ով ոսկե ձեռքեր ուներ: Նա քարը զննեց ու կրկին ռիսկերի մասին խոսեց: Վաճառականն ասաց, որ այդ պատմությունն արդեն անգիր է արել: Այնժամ ոսկերիչը համաձայնեց օգնել նրան և բավականին բարձր գին նշանակեց:

Երբ վաճառականը համաձայնեց, ոսկերիչն իր երիտասարդ ենթավարպետին կանչեց: Նա քարը ձեռքն առավ ու մուրճի մի հարվածով երկու մասի բաժանեց այն: Վաճառականը հիացած հարցրեց.

- Որքա՞ն ժամանակ է նա ձեզ մոտ աշխատում:

- Երրորդ օրն է: Նա այս քարի իրական արժեքը չգիտի, ուստի ձեռքն էլ չդողաց այն կոտրելիս:

 

Ռուսերենից թարգմանությունը՝ Էմիլիա Ապիցարյանի   

29.08.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․