3 Հունիս, Դշ, Դ օր Հոգեգալստյան, Պահք

Գրքեր

Ժամացույցը

Երկու գործընկեր են լինում` մեկն անհավատ, մյուսն աստվածապաշտ: Մի անգամ

անհավատ ընկերը սպասում է մյուս ընկերոջը, որն ուշանում է նշված ժամին

հանդիպելու համար: Երբ գալիս է, անհավատ ընկերը հարցնում է` ինչո՞ւ այդքան ուշացար:

Հավատացյալ ընկերը պատասխանում է.

- Ժամացույցը չէր աշխատում: Ես էլ չգիտեի, թե երբ գալ:

Սպասեցի, մինչև մի նոր ժամացույց ինքն իրեն ստեղծվեց, և մինչև ստեղծվեց, որոշ ժամանակ

անցավ: Ես էլ նայեցի ժամացույցին, տեսա` ժամանակն է գալու և նույնիսկ ուշացել եմ ու

շտապելով եկա հանդիպմանը:

Անհավատն ասում է.

- Մի՞թե ցնորվել ես, ինչպե՞ս կարող է ժամացույցն ինքն իրեն ստեղծվել:

Հավատացյալ ընկերը պատասխանում է.

-Այդ դեպքում ինչպե՞ս կարող է այսքան բարդ ու զարմանալի աշխարհն ինքն իրեն ստեղծվել:

Չէ՞ որ անտրամաբանական է այդպիսի տրամաբանությունը: Այն, ինչ համակարգված է,

նշանակում է` ստեղծված ու ծրագրավորված է մեծագույն բանականության կողմից:

Մի պահ նայեք մարդու կողմից ստեղծված ժամացույցին, որի սլաքները համաչափ շարժվում

են, մարդ արարածը, որ ներդաշնակել է ժամացույցի սլաքների համաչափությունը:

Սակայն ինչքան համաչափ է Արարչի կողմից ստեղծված տիեզերքի ու մոլորակների շարժումը, որ ներդաշնակել է կյանքի, տիեզերքի ու բնության շարժումը, որտեղ նույնիսկ թիթեռի թևերի թրթիռներն են մեկ համամասնություն կազմում բնության ու տիեզերքի ամբողջական շարժման հետ...

 

Հովհաննես Մանուկյան

26.03.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․