Խոնարհության դաս

Մի մարդ իմացավ, որ հպարտները դրախտ չեն մտնելու և աղաչեց Աստծուն.

- Տե՛ր Աստված, ինձ խոնարհություն տուր:

Չէր հասցրել խոսքն ավարտել, երբ մի մարդ նրա կողքով անցնելիս, կոպտորեն հրեց նրան:

- Մի քիչ զգույշ եղե՛ք,- հանդիմանեց նրան մարդը:

Իսկ անծանոթը ներողություն խնդրելու փոխարեն սկսեց հանդիմանել նրան ու ծաղրել: Եվ վեճը գնալով թեժացավ:

- Ախր դու ո՞վ ես, որ հրես ու վիրավորես ինձ,- չէր հանգստանում մարդը:

Եվ ի պատասխան լսեց.

- Ես նա եմ, ում քիչ առաջ օգնության կանչեցիր: Որովհետև եթե ես չլինեմ, ինչպե՞ս պիտի խոնարհություն սովորես:

Ռուսերենից թարգմանեց Էմիլիա Ապիցարյանը