Գրքեր

Խրատ հնազանդության միջոցով

Մի անգամ վանական եղբայրներից մեկն աբբա Հովսեփի վանքը եկավ: Այդ վանքում մի թզենի էր աճում:

Առավոտյան աբբան այդ եղբորն ասաց.

- Գնա, թզենու պտուղներից կեր:

Բայց այդ օրն ուրբաթ էր և նա ծերի խոսքը չկատարեց, որպեսզի ծոմի վերաբերյալ եկեղեցեկան կարգը չխախտի:

Դրանից հետո այդ եղբայրն աղաչում էր աբբային՝ ասելով.

- Աստծո սիրույն, բացատրիր ինձ արարքդ: Առավոտվանից կարգադրեցիր ինձ սնունդ օգտագործել, իսկ ես չհետևեցի խոսքիդ ծոմի պատճառով: Չեմ կարողանում հասկանալ, թե ինչ էիր մտածում, երբ ինձ կարգադրեցիր ուտել և ինչ էիր կամենում դրանով ասել:

Աբբան պատասխանեց.

- Սկզբնական շրջանում Հայրերը եղբայրներին որևէ բան են ասում անել հիմնականում փորձության տեսքով, այլ ոչ թե ուղիղ իմաստով: Իսկ երբ տեսնում են, որ նրանք նույնիսկ տարօրինակ հրամաններն են կատարում, ապա այլևս նրանց չեն փորձում սխալ կարգադրություններով, այլ ճշմարտությունն են խրատում՝ համոզվելով նրանց հնազանդության մեջ:

 

Ռուսերենից թարգմանությունը՝ Էմիլիա Ապիցարյանի 

14.07.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․