Գրքեր

Ողորմությունն ամենալավ ընկերն է

Մի առաքինի մարդ, ով աբբա Պիմենի մոտ էր եկել, վանականներին հետևյալ առակը պատմեց.

Մի մարդ իր ընկերոջն ասաց.

- Ուզում եմ թագավորին տեսնել, ինձ հետ արի:

Ընկերը պատասխանեց.

- Մինչև ճանապարհի կեսը կգամ:

Մյուսին ասաց.

- Արի, ինձ թագավորի մոտ տար:

Նա պատասխանեց.

- Մինչև պալատ կտանեմ քեզ:

Երրորդ ընկերոջն ասաց.

- Գնանք թագավորի մոտ:

- Գնանք,- պատասխանեց երրորդը,- ես քեզ մինչև պալատ կտանեմ, ներս կմտցնեմ, քո մասին կհայտնեմ արքային ու քեզ նրան կներկայացնեմ:

Վանականները հարցրեցին, թե ինչ է նշանակում այս առակը և մարդը պատասխանեց.

- Առաջին ընկերը ճգնավորությունն է, որը ճշմարիտ ուղու վրա է կանգնեցնում, երկրորդն՝ անաղարտությունն է, որը մինչև երկինք է հասցնում, երրորդ ընկերը ողորմությունն է, որը խիզախորեն հենց Արքայի՝ Աստծո մոտ է բերում:

 

Ռուսերենից թարգմանությունը՝ Էմիլիա Ապիցարյանի 

07.06.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․