Գրքեր

Օգտակար խրատներ պոռնկությունից զգուշանալու մասին

Ոմն եղբայր հարցրեց ծերին և ասաց. «Եթե կրոնավորն ընկնի մեղքի մեջ և հետո դարձյալ ջերմեռանդորեն ապաշխարի և ոտքի կանգնի, իսկ մեկ ուրիշը աշխարհիկ կյանքից գա կրոնավորության և սկսի ճշմարիտ ընթացքը, այդ երկուսից ո՞ր մեկն առավել առաջադեմ կլինի»: Ծերը պատասխանեց և ասաց. «Մեղանչած կրոնավորը փլուզված ապարանքի է նման, որը, եթե կամենա ջանալ և արթուն լինել իր խորհուրդներով և վերստին կառուցել փլուզված ապարանքը, փլատակների միջից բազում շինանյութ կգտնի: Հիմքերը հաստատուն կգտնի, քարերը` հղկված, հողը` պատրաստի, և շուտափույթ առաջ կգնա, քան նա, ում հողը դեռ փորված չէ, հիմքերը դեռ դրված չեն, և տակավին սկիզբը չի դրել և առաջիկայի համար անհրաժեշտ նյութերն էլ չունի, այլ միայն կառուցելու կամքն ունի: Եթե կրոնավորը սայթաքի մեղքի մեջ և դառնա դեպի ապաշխարություն, ունի պատրաստի նյութերն ու գործիքները, որոնք են` խրատ, աղոթք, սաղմոս և ձեռագործ, որոնք իր շինվածքի հիմքերն են: Իսկ նորեկը, քանի որ դեռևս սրանցից զուրկ է, մինչև այս ամենը սովորի և սրանց վարժվի, այն ընկած կրոնավորը արագորեն կգա իր նախկին վիճակին»:

 

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016

16.05.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․