Գրքեր

Ուխտագնացություն դեպի Գեղարդավանք Տ. Նավասարդ Սրբազանի հետ

Հոկտեմբերի 9-ին ՀՕՖ երեխաների աջակցության կենտրոնի սաներն ԱՀԹ առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանի հետ ուխտի մեկնեցին Գեղարդավանք: Ուխտավորների հետ էին նաև ԱՀԹ առաջնորդանիստ Ս. Սարգիս եկեղեցու հոգևոր հովիվ Տ. Պետրոս ավագ քահանա Մալյանը, ՀՕՖ-ի հոգևոր հովիվ Տ. Աշոտ քահանա Սաֆարյանը:

Ուխտավորներին դիմավորեց վանքի վանահայր հոգեշնորհ Տ. Տարոն վարդապետ Ղուլիկյանը: ԱՀԹ առաջնորդանիստ Ս. Սարգիս եկեղեցու հոգևոր հովիվ Տ. Պետրոս ավագ քահանա Մալյանն, ով շուրջ 28 տարի սպասավորել է Գեղարդավանքում և վանքի միաբան Էդգար սարկավագն ուխտավորներին մեկ առ մեկ պատմեցին վանքի եկեղեցիների ու զարդաքանդակների, կառուցման ու առանձնահատկությունների մասին, ներկայացրին Գեղարդավանքի մասին հյուսված ժողովրդական պատումները: Պատանիների ուխագնացության հոգևոր խորհուրդն ամբողջացավ ընդհանրական աղոթքով`ժամերգության մասնակցությամբ և վանքի երգչախմբի ելույթի ունկնդրությամբ:

Սրբազան հայրը պատանիներին ուսուցողական խաղեր ու գրքեր նվիրեց: Նրանց հետաքրքրող հոգևոր հարցերին պատասխանելուց հետ Տ. Նավասարդ Սրբազանը զրուցեց երեխաների հետ՝ նրանց ապագա մասնագիտության, հետաքրքրությունների մասին:

Շաբաթներ առաջ ՀՕՖ երեխաների աջակցության կենտրոնի սաներից մեկը՝ Միքայելը դիմել էր Կենտրոն ՀԸ «Ես կամ…» հաղորդաշարին՝ ցանկություն հայտնելով հանդիպել ԱՀԹ առաջնորդական փոխանորդ Տ. Նավասարդ արքեպիսկոպոս Կճոյանի հետ: Միքայելի ցանկությունն իրականացավ, իսկ Սրբազան հոր ցանկությունն էր, որ և՛ Միքայելի, և՛ կենտրոնի երեխաների հետ հանդիպումները լինեն շարունակական:

Տ. Նավասարդ Սրբազանի տնօրինությամբ շուրջ 6 տարի ՀՕՖ երեխաների աջակցության կենտրոնի հոգևոր հովիվն է Տ. Աշոտ քահանա Սաֆարյանը: Ամեն շաբաթ նա հոգևոր դասեր ու զրույցներ է անցկացնում երեխաների հետ, կազմակերպում է հովվական տնայցեր և կատարում տնօրհնեքներ: Կենտրոնի շահառուները սոցիալապես անապահով ընտանիքների երեխաներն են՝ իրենց դաստիարակության, կրթության, սոցիալական խնամքի խնդիրներով:


Արարատյան Հայրապետական թեմի տեղեկատվական բաժին

09.10.15
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․