Ոսկե բահը

Գանձեր որոնողը մի հինավուրց գրքում կարդաց, որ մի տեղ, հողում անթիվ գանձեր կան թաղված և որոշեց գտնել դրանք: Նա երկար ժամանակ փնտրտուքների մեջ էր: Մի անգամ, երբ փորում էր, նկատեց, որ երկնքից դեպի իրեն մի ոսկե բահ է իջնում: Մարդն ուրախությամբ վերցրեց բահն ու երջանկությունից իրեն կորցրած՝ տուն գնաց: Նա դադարեց մտածել պահված գանձերի մասին՝ երկնքից ստացած բահն իր համար արժանի ձեռքբերում համարելով: Եվ երկնքից ձայն լսեց. «Այդ բահի օգնությամբ պետք է անթիվ գանձեր գտնեիր: Իսկ դու՝ թշվառական, անհամար գանձերն այդ ոսկե բահով փոխարինեցիր: Այդ պատճառով էլ այն ետ կվերցվի քեզնից»:

Ռուսերենից թարգմանությունը՝ Էմիլիա Ապիցարյանի