Գրքեր

Ո՞վ ես դու

Մի մարդ մոլորվեց անտառում ու դուրս եկավ մի ճգնավորի հյուղակի մոտ: Ողջունելով նրան՝ հարցրեց.

- Ո՞վ ես դու:

- Ես դու եմ,- լսեց ի պատասխան:

- Ոչ, այդպես չի լինի: Ես ես եմ, իսկ դու դու ես:

- Լավ,- համաձայնեց ճգնավորը,- Ես ես եմ, իսկ դու ես եմ:

- Ոչ, ոչ,- կրկին առարկեց հյուրը,- պետք չէ իմ «ես»-ն ու քո «ես»-ը իրար խառնել:

- Եթե քո մասին ասում ես «ես» և ես էլ եմ իմ մասին ասում «ես», ապա այդ երկու «ես»-երի միջև ի՞նչ տարբերություն կա,- հարցրեց ծերունին:

- Ի՞նչ է նշանակում «ինչ տարբերություն»: Ես հյուր եմ, իսկ դու՝ ճգնավոր:

- Իսկ եթե մենք երկուսս էլ հյո՞ւր ենք:

- Ինչպե՞ս թե:

- Դու իմ հյուրն ես, իսկ ես՝ այս աշխարհինը: Ի՞նչ է դուրս գալիս:

- Որ մենք մեկ…,- զարմացած շշնջաց մարդը:

«Այն օրը դուք պիտի իմանաք, որ ես իմ Հոր մեջ եմ, և դուք՝ իմ մեջ. ու ես՝ ձեր մեջ» (Հովհ. 14:19)։

 

Ռուսերենից թարգմանությունը՝ Էմիլիա Ապիցարյանի 

04.05.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․