1 Ապրիլ, ԴՇ, Մեծ Պահքի ԼԸ օր

Գրքեր

«Ով միացած է Ինձ, և Ես՝ նրան, նա առատ պտուղ կտա»

Աստծո հանդեպ հավատն արտահայտվում է աստվածային պատվիրանների կատարմամբ, «Առանց հավատի անհնար է Աստծո բարեհաճությունը շահել» (Եբր. 11:6): «Տեսե՞լ ես ծառի վրա չոր ճյուղ, այն չորացել է՝ կենարար հյութ չունենալու պատճառով: Եվ քրիստոնյան դառնում է չորացած ճյուղ, եթե չունի կենդանի հավատ, որ իր կենսունակությունն արտահայտում է սիրով և այլ պտուղներով: Այդպիսի մեկը բաժին չունի Քրիստոսի հետ, Ով «ճշմարիտ որթատունկն է» (Հովհ. 15:1), այդպիսի մեկին է ուղղված Տիրոջ հետևյալ խոսքը. «Կացինն ահա պատրաստ է՝ կտրելու ծառերն իրենց արմատներից: Այն ծառը, որ բարի պտուղ չի տա, պիտի կտրվի և կրակը գցվի» (Մատթ. 3:10): Այս մտածումն օգնում է քրիստոնյային՝ անդրադառնալու, թե ունի՞ հավատ, որ պտուղներով, այսինքն՝ բարի գործերով է արտահայտում»,- ասել է Ս. Գրիգոր Պալաման: Հավատքով, հույսով և սիրով Քրիստոսին միացած անձը առատ պտուղներ է տալիս Տիրոջ հետևյալ խոսքի համաձայն՝ ով միացած է Ինձ, և Ես՝ նրան, նա առատ պտուղ կտա, որովհետև առանց Ինձ դուք ոչինչ անել չեք կարող (Հովհ. 15:5):

Մարտի 4-ին Զորավոր Ս. Աստվածածին եկեղեցում հոգևոր հովիվ Տեր Գրիգոր քահանա Գրիգորյանը, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, Փափազյան Արմինեին (46 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Մակարյան ընտանիքը: Արմինեն իր տղայի և կրտսեր դստեր՝ Կարինայի հետ անցյալ տարի Ռուսաստանի Դաշնությունից եկել է Հայաստան, որպեսզի տղան Հայոց բանակում ծառայի: Ընտանիքը բնակվում է ազգականի տանը, որ գտնվում է գ. Խարբերդ 21-րդ փ. 106/6 հասցեում: Կարինան (7 տ.) Դաունի համախտանիշ ունի: Նա սիրում է երգել, պարել: Ընտանիքն այժմ ֆինանսական խնդիրներ ունի: «Ես չեմ կարողանում աշխատել, ընտանեկան նպաստ էլ դեռ չենք ստանում, ավագ դուստրս է Ռուսաստանի Դաշնությունից ժամանակ առ ժամանակ օգնում: Շնորհակալ եմ աջակից ընտանիքին՝ օգնության ձեռք մեկնելու համար»,- ասաց Արմինեն:

 

Կարինե Սուգիկյան

04.03.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․