Գրքեր

Փրկության հարցը

Մի զինվոր թագավորից գումար է խնդրում, որպեսզի իր բանաստեղծությունների ժողովածուն տպագրի, բայց թագավորը մերժում է: Զինվորը նեղսրտում է և ասում.

- Ինչո՞ւ չեք օգնում, այդ օգնությունը Ձեզ համար մեծ բան չէ:

Թագավորը պատասխանում է.

- Ինչպե՞ս է արդար, այդ գումարի միջոցով մարդասպան ավազակներից պատանդ երեխաներին փրկե՞լը, թե՞ քո բանաստեղծությունների գիրքը տպագրելն ու այդպիսով քո փառասիրությանն ու հպարտությանը հագուրդ տալը:

Զինվորն առարկում է.

- Դուք թագավոր եք և շատ ոսկեդրամ ունեք:

Արքան պատասխանում է.

- Խնդիրը դրանում չէ, այլ յուրաքանչյուր մարդու կյանքի փրկության հարցն է...

Այդպես էլ Աստծու համար շատ ավելի կարևոր է դևերի գերությունից մարդկանց փրկելը, քան ոմանց փառասիրական խնդրանքներն իրականացնելը: Մենք պետք է հասկանանք, թե Աստծու և մեզ համար ինչն է առաջնային և այդպիսով մեր խնդրանքներն ինչքանով են աստվածահաճո, որովհետև հոգու խորքում դրանք պարզապես կարող են եսասիրական խնդրանքներ լինել, ինչքան էլ լավ ու օգտակար երևան, թվան:

 

Հովհաննես Մանուկյան

28.09.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․