Գրքեր

Սեփական փորձով

Մի անգամ ծերի մոտ մի կին եկավ իր փոքրիկ որդու հետ:

- Տղայիս աչքով են տվել,- ասաց նա,- առավոտից երեկո արմավ է ուտում: Միայն քաղցր արմավներ և ուրիշ ոչինչ: Ի՞նչ անեմ:

Ծերը նայեց տղային ու ասաց.

- Բարի՛ կին, որդուդ հետ տուն վերադարձիր: Իսկ վաղն այս ժամին կրկին ինձ մոտ արի և ես կօգնեմ քեզ:

Հաջորդ օրը ծերը փոքրիկին իր ծնկներին նստեցրեց, վերցրեց նրա ձեռքից արմավն ու ասաց.

- Որդյա՛կ, հիշիր, որ աշխարհում այլ համեղ բաներ էլ կան:

Այնուհետև օրհնեց երեխային ու տվեց մորը:

Շփոթված մայրը հարցրեց նրան.

- Ինչո՞ւ դա երեկ չասացիր: Ի՞նչ կարիք կար, որ կրկին նման երկար ճանապարհ կտրեինք:

- Բարի՛ կին,- պատասխանեց ծերը,- երեկ ես համոզիչ կերպով չէի կարող որդուդ ասել այն, ինչ այսօր ասացի, քանի որ երեկ ես ինքս էլ հաճույքով արմավ էի ուտում:

 

Սկսիր քեզնի՛ց: Բոլոր խորհուրդներն ու խրատներն ուժ են ստանում միայն այն ժամանակ, երբ հաստատված են քո սեփական կյանքով:

 

Ռուսերենից թարգմանությունը՝ Էմիլիա Ապիցարյանի

19.07.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․