Գրքեր

Սև թանաքաբիծը

Մի անգամ ուսուցիչը, դասարան մտնելով, աշակերտներին հայտնեց, որ մի շատ բարդ առաջադրանք պետք է կատարեն և սկսեց բաժանել առաջադրանքով թերթիկները: Որքան մեծ էր աշակերտների զարմանքը, երբ մաքուր թերթիկի վրա միայն մի թանաքաբիծ տեսան: Ուսուցիչը հանձնարարեց մանրամասնորեն նկարագրել այն ամենն, ինչ կտեսնեն թերթիկին:

Աշակերտները երկար աշխատեցին տրված հանձնարարության վրա: Վերջում ուսուցիչը հավաքեց աշխատանքներն ու սկսեց բարձրաձայն ընթերցել: Բացարձակապես բոլորը փորձել էին մանրամասնորեն նկարագրել թանաքաբիծը, թե ինչ չափի է, գույնի, թղթի որ մասում է գտնվում, ինչի է նման: Երբ ուսուցիչն ավարտեց ընթերցումը, ասաց. «Ես չէի պատրաստվում գնահատել ձեր տեսած թանաքաբծի նկարագրությունը: Ես ուղղակի ուզում էի իմանալ, թանաքաբծից բացի որևէ այլ բան տեսնո՞ւմ է արդյոք ձեզնից որևէ մեկը: Պարզվեց՝ ոչ ոք: Ձեզնից ոչ ոք չի գրել սպիտակ թղթի մասին: Բոլորդ կենտրոնացել եք սև կետի վրա, և նույն բանը մեր կյանքում է կատարվում: Կյանքի ուրախությունները նկատելու փոխարեն՝ կենտրոնանում ենք մուգ բծերի վրա:

Մեր կյանքը պարգև է, որ Աստված տվել է մեզ սիրով ու բարությամբ, և մենք միշտ ուրախանալու առիթներ ունենք՝ յուրաքանչյուր օր արթնացող բնությունը, սիրելի ընտանիքը, մեր ընկերները, աշխատանքը, որ մեր ապրուստի միջոցն է և շատ այլ բաներ: Սակայն մենք միայն մուգ բծերի վրա ենք կենտրոնանում՝ առողջական խնդիրներ, ֆինանսական դժվարություններ, բարդ հարաբերություններ և այլն»:

Մուգ բծերն այնքան փոքր են այլ բաների համեմատությամբ, որ ունենք կյանքում՝ սեր, հոգատարություն, հարգանք, աշխատանք: Փորձենք բծերի փոխարեն կյանքի ուրախությունները տեսնել և վայելել դրանք:

 

Ռուսերենից թարգմանությունը՝ Էմիլիա Ապիցարյանի

18.06.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․