Գրքեր

Սիրո բարձրագույն աստիճանը

Մարդուն շնորհված աստվածային մեծագուն պարգևներից է ազատությունը, և մարդն ազատ է ապրելու այնպես, ինչպես կցանկանա: «Աստված կանչեց ձեզ, որ ազատ լինեք. նայեցե՛ք միայն, որ այդ ազատությունը մարդկային ցանկությունները կատարելու պատրվակ չդառնա, այլ սիրով ծառայեցե՛ք միմյանց» (Գաղատ. 5:13): Աստվածապարգև ազատությունն աստվածահաճո կերպով գործածելու լավագույն ուղին, ըստ Պողոս առաքյալի, սիրո ուղին է: Ս. Հովհան Ոսկեբերանը նշում է, որ մերձավորին անկեղծ սիրողը չի հրաժարվում նրան ծառայելուց, և առաքյալը մատնանշում է սիրո բարձրագույն աստիճանը, չի ասում միայն, թե՝ սիրեցեք միմյանց, այլ՝ սիրով ծառայեցեք միմյանց:

Դեկտեմբերի 6-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Նառա Գրիգորյանին (33 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանի ընտանիքը: Նառան իր երկու աղջիկների հետ վարձակալությամբ բնակվում է Աշտարակ քաղաքի Վ. Պետրոսյան 3/24 հասցեում: Նառայի ամուսինը մահացել է մեկ ու կես տարի առաջ: Մինչ երկրորդ զավակի ծնունդը, նա կարողացել է աշխատել, բայց այժմ զբաղված է իր մեկամյա դստեր խնամքով: Ընտանիքի մայրը նշեց, որ ֆինանսական դժվարությունների առջև է կանգնած, չի կարողանում վճարել տան և կոմունալ վարձերը, իսկ ընտանեկան նպաստի գումարով կարողանում է մասամբ լուծել մյուս խնդիրները: Նառան զգացված էր այն ուշադրության և հոգատարության համար, որ ցուցաբերվեց իր ընտանիքի հանդեպ Զորավոր Ս. Աստվածածին եկեղեցու համայնքի, հոգևոր հովվի և աջակից անձանց կողմից:

 

Կարինե Սուգիկյան

06.12.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․