Գրքեր

Տեր Հովհաննես քհն. Կարապետյան

Ծնվել է 1920թ.-ի մայիսի 12-ին, Յոզկաթում, Թուրքիա:

1924թ.-ին ընտանիքով՝ հայրը, մայրը և երկու կրտսեր եղբայրները, բռնագաղթվել են Հալեպ, Սիրիա: Նախնական կրթությունը ստացել է Հալեպի հայ-կաթոլիկ վարժարանում:

1930-1935թթ. սովորել է Հալեպի Գյուլբենկյան վարժարանում:

1935-1936թթ. սովորել է Հայկազյան վարժարանում:

1936-1941թթ. սովորել է Երուսաղեմի հոգևոր ճեմարանում:

1941թ. ձեռնադրվել է սարկավագ:

1943թ. դուրս է եկել Երուսաղեմի հայոց վանքից և հաստատվել Հայֆայում, Պաղեստին:

1947թ. ամուսնացել է Զվարթ Գևողլանյանի հետ և նույն թվականին ներգաղթել Սովետական Հայաստան: Սկզբնական տարիներին աշխատել է Հայաստանի ազգային գրադարանում, կատարել թարգմանություններ՝ անգլերենից և ֆրանսերենից: Նույն ժամանակաշրջանում երգել է Հայաստանի պետական երգչախմբում:

1954թ. փետրվարի 21-ին, Տեր Սահակ եպիսկոպոս Տեր-Հովհաննիսյանի ձեռամբ, ձեռնադրվել է քահանա (Էջմիածին ամսագիր, փետրվար 1954թ., էջ 14):

1957թ. ապրիլի 19-ին Վազգեն Ա Ամենայն Հայոց կաթողիկոսի օրհնությամբ ստացել է լանջախաչ կրելու իրավունք:

Քահանայական ձեռնադրության քառասնօրյա շրջանը անցկացրել է Զորավոր Սուրբ Աստվածածին եկեղեցում, որտեղ էլ 1954թ.-ի մարտի 10-ին մատուցել է իր անդրանիկ Պատարագը: Նույն տարում նշանակվել է Զորավոր Սուրբ Աստվածածին եկեղեցու հոգևոր հովիվ և պաշտոնավարել մինչև 1970թ. մարտ ամիսը:

1970թ. մարտին, ընտանիքով՝ կնոջ և երեք դուստրերի հետ, տեղափոխվել է Ամերիկայի Միացյալ Նահանգներ:

1973թ. Վազգեն Առաջին Վեհափառի տնօրինությամբ տեղափոխվել է Ֆրանսիա՝ նշանակվելով Լիոնի եկեղեցու հոգևոր հովիվ: Մի քանի տարի ծառայելուց հետո վերադարձել է Միացյալ Նահանգներ, Լոս-Անջելես, ընտանիքի մոտ՝ կյանքի վերջին տարիները նվիրելով հայերենի դասավանդմանը Լոս-Անջելեսի հայաշատ գաղութի մանուկներին:

1992թ. սեպտեմբերի 15-ին կնքել է իր մահկանացուն: Թաղման կարգն ու վերջին օծումը կատարվել է Լոս-Անջելեսի Սուրբ Հովհաննես եկեղեցում:

01.05.14
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․