25 Հունվար, Բշ, Առաջավորաց պահքի Ա օր

Գրքեր

Ծառը

Այգեպանի որդին տրտնջալով գալիս է իր հոր մոտ ու ասում.

-Ես այդքան հավատում եմ, որ իմ տնկած ծառները լավ պտուղներ կտան, առանց երկմտելու մեծ հավատքով ու հույսով լեցուն Աստծուց խնդրում, որպեսզի իրականանա իմ բարի նպատակը, բայց ոչինչ էլ տեղի չի ունենում և այս տարի էլ կրկին դառն ու անպիտան պտուղներ են տալիս իմ տնկած ծառները:

Այգեպանը պատասխանում է.

-Դու այդպես էլ չկամեցար հասկանալ, որ քո տնկած ծառները վայրի ու անպտուղ ծառեր են և իրենց տված պտուղներն էլ անպիտան ու վնասակար են: Մինչև ինձ չկանչես, որպեսզի դրանք կտրեմ ու դրանց վրա պտղատու ծառեր պատվաստեմ, ինչքան էլ հավատաս, խնամես ու ջրես, միևնույն է, նրանք դառն ու անօգտակար պտուղներ կբերեն:

 

Մարդիկ հաճախ իրենց հավատքի արժեքը պայմանավորում են այս կամ այն իրողությունների հետ, հատկապես գերբնական նշաններ տեսնելու ու ակնկալելու և երբ չի լինում իրենց ակնկալիքները, հավատքի մեջ ճգնաժամ են ապրում: Սակայն հավատքը աշխարհայացքային փոփոխության ուղին է, երբ փոխվում է մտածողությունդ էապես՝ միտքդ, հոգիդ ու սիրտդ, իսկ այս դեպքում կյանքի վերելքներն ու վայրէջքները հավատքի աչքերով ես տեսնում, հասկանում խնդրի իսկությունը և հոգևոր ճգնաժամ չես ապրում:  

 

Հովհաննես Մանուկյան

02.09.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․