Գրքեր

Զորավոր Ս. Աստվածածին եկեղեցու կիրակնօրյա դպրոցի տարեվերջյան դասը

Դեկտեմբերի 24-ին, Զորավոր Ս. Աստվածածին եկեղեցու կից սրահում, կիրակնօրյա դպրոցի սաները, մանկավարժ Սիրանուշ Գումրույանի գլխավորությամբ, տարեվերջյան դասը վերածել էին ամանորյա տոնախմբության: Տոնական խանդավառություն էր տիրում. ուրախ անակնկալները հաջորդում էին մեկը մյուսին: Երեխաները «Զանգակներ» երգն էին երգում, պարում էին, հետաքրքրաշարժ խաղերի մասնակցում: Նրանք քաջատեղյակ էին, թե ինչ խորհուրդներ ունեն տոնածառը, աստղը, ամանորյա նվերները, ով է իրենց սիրելի Ձմեռ պապը: Սիրանուշ Գումրույանը նշեց, որ երեխաները, բացի Ամանորից, մեծ ուրախությամբ սպասում են նաև Ս. Ծննդյան տոնին: «Ուրախալի է տեսնել, թե երեխաները ինչ նախանձախնդրությամբ են պատրաստվում Ս. Ծննդյան տոնին: Տոնի խորհրդին ծանոթանալով՝ նրանք ցանկություն են հայտնել Փրկչի Ծննդյան օրը լիարժեք նշել՝ մասնակցելով Ս. Ծննդյան տոնական Պատարագին»,- ասաց մանկավարժը: Կիրակնօրյա դպրոցի սաները տարեվերջյան իրենց դասն ավարտեցին տոնական խանդավառությամբ: Մանկավարժ Սիրանուշ Գումրույանը երեխաներին հանձնեց ամանորյա նվերներ:

Զորավոր Ս. Աստվածածին եկեղեցու սուրբ հարկից ներս թե՛ հոգևոր դասի, թե՛ մանկավարժի և թե՛ ծնողների համար սուրբ պարտականություն է, որ երեխաները քրիստոնեական ոգով դաստիարակվեն, կրթվեն՝ որպես երկրի և երկնքի իրական քաղաքացիներ, քանի որ երեխայի բարի դաստիարակության իրական հիմքը Աստծո երկյուղն է, որն էլ, ըստ Սբ. Գրքի, իմաստության սկիզբն է (Առակներ 1:7):

 

Կարինե Սուգիկյան

24.12.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․