Քանի որ Աստված այդ երկիրը Աբրահամին, Իսահակին և իրեն էր խոստացել: Ուստի ցանկանում է, որ Աստծո կողմից իրեն խոստացված վայրում թաղվի: Մանավանդ Աբրահամի և Իսահակի գերեզմանները Քեբրոնում գտնվելով, ցանկանում է նրանց մոտ թաղվել, որ իր որդիները լավ ըմբռնեն և հասկանան, որ Եգիպտոսից դուրս գալով, Քանանի երկիրը պիտի գնան, և թե միգուցե Եգիպտոսում մնալով՝ եգիպտացիների չար և անօրեն գործերին հետևեն: Քանի որ Հակոբը գիտեր, որ Աստծո խոստման համաձայն իր սերունդը մի օր Եգիպտոսից դուրս պիտի գա:

Բացի այդ, որովհետև Հիսուս Քրիստոսը՝ մեր Փրկիչը Քանանում ծնվելով, այնտեղ պետք է մարդկային ազգը իր մեղքերից ազատեր և այնտեղ թաղվելով՝ հարություն պիտի առներ, այս պատճառով Քանանում Քեբրոն կոչված վայրում  է ցանկանում թաղվել (այն տեղը, որը Երուսաղեմից 6 ժամվա ճանապարհ է), որպեսզի ինքն էլ Հիսուսի՝ Փրկչի հետ հարություն առնի (Մատթ. 27:52):

Պողոս եպս. Ադրիանուպոլսեցի, «Զանազանութիւն հինգ դարուց», Հատոր Ա, Վաղարշապատ, 1902