Գրքեր
Հարց 67 – Եթե կարգ ունեցողը հանիրավի որևէ մեկին բանադրում է, արդյոք ընդունելի՞ է այդ բանադրանքը:

Պատասխան - Այո՛, քանզի կապելու և արձակելու իշխանությունն այսպես տրվեց առաքյալներին. «Ում որ մեկ անգամ կապեք երկրի վրա, կապված կլինի երկնքում» (Մատթ. 18:18): Սակայն չասվեց. «Ում իրավունքով կապեք, կապված կլինի»: Եթե այսպես չլիներ, ընդունայն կլիներ եկեղեցական բանադրանքը: Ահա և սրբազան առաքյալներն իրենց ԻԴ կանոնում այսպես են ավանդում. «Զուր տեղը բանադրվածը թող հաճությամբ ընդունի բանադրանքը, որովհետև կապողը պատիժ ու պատուհաս պիտի ստանա, քանզի հանիրավի բանադրեց»:

Ասենք թե մի այգետեր իր այգեգործին հրաման է տվել էտել այգու ծառերը` բայց չոր ոստերը կտրելու նպատակով: Եթե այգեգործը կանաչ ու պտղատու ծառերը ևս կտրի, կկտրվեն, բայց հետո նա այգու տիրոջ կողմից կպատժվի:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․