Պատասխան – Նույն վարդապետը` Ս. Ներսես Շնորհալին, այսպիսի օրինակ է բերում. «Արեգակի տակ առանձին-առանձին մի քանի ապակի դի՛ր. մի՞թե բոլորի վրա նույն արեգակի լույսը չի ծագի, կամ մի՞թե այդ առանձին-առանձին ապակիները մեկ չեն համարվի, կամ էլ` մի՞թե մեկ լույսի զորությունն ընդունողներ չեն: Նույնպես և ողջ աշխարհում է. թեպետ առանձին-առանձին են Եկեղեցիները, սակայն Պատարագի ընթացքում նույն նյութն է առաջադրվում, այսինքն` հացն ու գինին, որոնց վրա էլ ծագում է համատարած արեգակը, այսինքն` Աստծո Հոգին` բոլորին Քրիստոսի մի մարմին դարձնելով»: