Գրքեր
Հարց 83 - Որո՞նք էին առաքյալների քարոզչության վիճակները:

Պատասխան – Հակոբ Աստվածաբանը, Սուրբ առաքյալների կանոնից վերցնելով, այսպես է գրում. «Հռոմը և ամբողջ Իտալիան, Իսպանիան, Բրիտանիան, Ֆրանսիան, Սիրիան, Կիլիկիան, Գաղատիան մինչև Պոնտոս Պետրոս առաքյալի վիճակն էր:

Երուսաղեմը և ամբողջ Պաղեստինը` սամարացիների ու փղշտացիների հետ, Արաբիան, Փյունիկեն և Կեսարիայի բնակիչները ձեռնադրություն ընդունեցին Հակոբոս Տյառնեղբորից:

Ալեքսանդրիան, Թեբայիդը, Եգիպտոսը մինչև Հնդկաց Եթովպիայի սահմանները ձեռնադրություն ստացան Մարկոս Ավետարանչից:

Արևելյան հնդիկները` մինչև վերջին ծովը, ձեռնադրվեցին Թովմաս առաքյալից:

Եփեսոսը, Թեսաղոնիկեն, ամբողջ Փոքր Ասիան, Կորնթոսը և Աքայիան ձեռնադրություն ստացան Հովհաննես Ավետարանչից:

Նիկիան, Նիկոմիդիան, Բութանիան ու գուտիացիները ձեռնադրվեցին Անդրեաս առաքյալի կողմից:

Բյուզնդիան և թրակացիների աշխարհը` մինչև մեծ գետը, որ բաժանում է բարբարոսների աշխարհից` Ղուկաս Ավետարանչի կողմից:

Ուրհան, Մծբինը, Միջագետքը և Հայաստանը` հյուսիսց մինչև հարավ` Թադեոս առաքյալի կողմից:

Պարսիկներն ու պարթևները, Ասորեստանն ու Բաբելոնի շրջակայքը` մինչև Գթաց սահմանները` կերպասագործ Ադդեից»:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․