Գրքեր
Հարց 53 - Ինչպե՞ս պետք է հասկանալ Սուրբ Հոգու շրջելը ջրերի վրա:

Պատասխան – Թեպետ հարցն այսպես է մեկնում շարականը, թե Սուրբ Հոգին, ջրերի վրա շրջելով, արարածների էր ստեղծում, բայց խորհրդավոր մի մեկնություն ևս ներկայացնեմ քեզ:

Քանի որ Սուրբ Հոգին գիտության աղբյուր է, Նա է մեզ ուսուցանում իմաստության և գիտության տարատեսակները, Նա է աստվածային անթարգմանելի խորհուրդները հայտնում մեզ: Նա է միշտ ուսուցանում մեզ, թե այդ խորհրդների ժամանակ ինչ պետք է ասել, քանզի Ինքն է միայն աստվածային խորին խորհրդների քննողն ու դրանց մեջ հմտացածը:

Ահա՛ քեզ օրինակ. ստեղծված մարդու մտքի խորհուրդը ոչ ոք չգիտի, բացի նրանում եղող հոգուց: Իսկ անստեղծ Աստծո խորին խորհուրդը մարդն անկարող է իմանալ: Միայն Աստծո Հոգին գիտի: Այդ պատճառով Միածին Որդին ասում էր աշակերտներին. «Երբ որ գա Նա՝ Ճշմարտության Հոգին, ամենայն ճշմարտությամբ կառաջնորդի ձեզ»: (Հովհ. 16:13):

Եվ որովհետև Աստծո խորքն անքննելի է՝ ըստ սրբազան Առաքյալ Պողոսի, նույնպես և անքննելի Սուրբ Հոգին կարող է քննել, իմանալ և ուսուցանել իր կամարարներին: Ահա՛ Սուրբ Հոգու՝ ջրերի վրա շրջելը բացատրվում է այսպես. լինելով Աստծո խորին խորհրդների վրա՝ տարածում էր դրանք հավատացյալների մտքերում՝ ըստ յուրաքանչյուրի ընդունակության:

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․