Գրքեր

Ագահ մեծահարուստի վերջը

Մի ունևոր մարդ երազ է տեսնում, թե գտնվում է մի սենյակում, որտեղ մեծ հայելի էր

դրված: Մոտենում է հայելուն, նայում, զարմանում, քանի որ երկու մեծ թև ուներ, ինչպես

հրեշտակները: Ինքն իրենով հիացած ասում է.

- Էս ե՞ս էլ եմ հրեշտակ. գիտեի, որ Աստված ինձ շնորհ կանի, չէ՞ որ եկեղեցի եմ կառուցել, մոմ եմ վառել, փող եմ բաժանել:

Հայելու մեջ նայելիս նկատում է իր ետևում կանգնած սատանային, հարցնում է.

- Ի՞նչ ես ուզում, չե՞ս տեսնում ես էլ եմ հրեշտակ:

Սատանան պատասխանում է.

- Քեզանից ոչինչ չեմ ուզում, եկել եմ թևերս տանեմ:

Մեծահարուստը հրեշտակային իր թևերը բացում է, տեսնում է մեկի վրա գրված է դրամ, մյուսի վրա` իշխանություն: Արագ դուրս է գալիս այդ սենյակից ու հայտնվում է մի անդնդախոր ձորի բերանին, որտեղից տարբեր հրեշտակներ թռչում են երկինք՝ ամպերի վրա գտնվող դրախտը: Բացում է իր թևերը ու ինքն էլ փորձում թռչել դրախտ: Կրկին հիանում է, քանի որ ստացվում է թռչել, բայց հանկարծակի թեթև քամի է բարձրանում: Մեծահարուստը սկսում է օրորվել, հավասարակշռությունը կորցնել ու գլխապտույտ կերպով դեպի ահռելի ձորը գահավիժել: Գոռում-գոչում է` օգնեցեք: Այդ պահին արթնանում է ու ուրախանում, որ երազ էր տեսնում, սակայն սփրթնում է. հեռվում սատանան աթոռին նստած ժամացույցին էր նայում:

Մեծահարուստը հարցնում է.

- Այս ի՞նչ ես անում.

Սատանան պատասխանում է.

- Եկել եմ թևերս տանեմ: Ի՞նչ է, ուզում էիր իմ թևերով դրախտ թռչեիր...

 

Հովհաննես Մանուկյան

31.03.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․