Գրքեր

Աստվածահաճո պահքի ընթացքը

Մարտի 3-ին, ԱՀԹ առաջնորդական փոխանորդ Գերաշնորհ Տ. Նավասարդ արք. Կճոյանի օրհնությամբ, Զորավոր Ս. Աստվածածին եկեղեցու համայնքը, սոցիալական ծրագրի շրջանակներում, օգնության ձեռք մեկնեց Մարտիրոսյան բազմազավակ կարիքավոր ընտանիքին: Եկեղեցում, հոգևոր հովիվ Տեր Գրիգոր քահանա Գրիգորյանը Հովհաննիսյան Դիանային (40տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Կարիքավոր ընտանիքը բնակվում է Էջմիածին քաղաքի Մաշտոց փողոցի 59/51 հասցեում: «Ամուսինս երկրորդ խմբի հաշմանդամ է և ի վիճակի չէ աշխատելու, միայն ամուսնուս եղբայրն է աշխատում, ով բնակվում է մեզ հետ և փորձում է հնարավորինս օգնել մեր ընտանիքին: Իսկ ամուսնուս հիվանդության թոշակի և ընտանեկան նպաստի գումարները չեն բավարարում անգամ մեր ընտանիքի նվազագույն կարիքները հոգալու համար»,- ասաց հինգ անչափահաս որդիների մայրը: Դիանան իր երախտագիտությունը հայտնեց Զորավոր Ս. Աստվածածին եկեղեցու համայնքին, Տեր Գրիգորին և աջակից անձին՝ երկրորդ անգամ իրենց ընտանիքին աջակից լինելու համար:

Մեծ պահքի շրջանում Հայ Առաքելական Սուրբ եկեղեցին իր զավակներին հորդորում է գտնվել աստվածահաճո պահեցողության մեջ, որի մասին Տերը Եսայի մարգարեի շուրթերով ասել է. «Քաղցածների՛ն բաժանիր քո հացը, եթե մերկ մարդ տեսնես՝ հագցրու նրան, բայց քո զավակին մի՛ անտեսիր: Այն ժամանակ այգաբացի պես պիտի ծավալվի քո լույսը և արագորեն պիտի հասնի քո ապաքինությունը» (Եսայի 58:7-9):

Այս պատգամում նկարագրված է պահքի ներքին կողմը, դրա ճշմարիտ և բարոյական էությունը, որ կայանում է արդարության, սիրո և ողորմածության գործերով: Աստվածահաճո պահքի հիմքը՝ մեղքի դեմ պայքարն է և ողորմած գտնվելը մեր նմանի հանդեպ:

 

 

Կարինե Սուգիկյան

03.03.17
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․