Գրքեր

Ցանկություններն իրականացնող քարը

Մի պատանի իմացավ, որ աշխարհում մի քար կա, որ ցանկություններն է իրականացնում: Նա շատ կամեցավ գտնել այդ քարն ու սկսեց հարցուփորձ անել մարդկանց, թե որտեղ կարող է այն գտնել: Բայց նրա երկրում ոչ ոք չգիտեր դրա մասին: Պատանին ուրիշ երկրներ ուղևորվեց: Նա մի երկրից մյուսն էր անցնում այնքան ժամանակ, մինչև լսեց մի իմաստունի մասին, ով գիտեր այդ քարի տեղը: Երկար դեգերումներից հետ պատանին գտավ իմաստունին:

- Իսկ դու այսինչ երկրից չե՞ս,- հարցրեց իմաստունը:

- Այո՛,- պատասխանեց պատանին,- հենց այդ երկրից եմ եկել:

- Իսկ այսինչ քաղաքում չե՞ս ապրում, լճափին գտնվող տանը:

- Այո՛, այդտեղ եմ ապրում,- պատասխանեց զարմացած պատանին:

- Դե, ահա՛,- հայտարարեց իմաստունը,- ես գիտեմ, որ այդ հրաշագործ քարը ձեր տանը, քո սենյակի պատի մեջ է դրված:

- Մի՞թե այսքան երկար փնտրելուց հետո կրկին տուն պետք է վերադառնամ,- տրտմեց պատանին:

- Եթե այդքան մեծ ջանքերի շնորհիվ այստեղ չհասնեիր, ապա որտեղի՞ց պետք է իմանայիր, թե կախարդական քարը որտեղ է գտնվում,- պատասխանեց իմաստունը:

 

«… Աստծո Արքայությունը մեր մեջ է» (Ղուկ. 17:21):

 

Ռուսերենից թարգմանությունը՝ Էմիլիա Ապիցարյանի 

08.04.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․