Գրքեր

Չորս մոմ

Չորս մոմ հանգիստ վառվում էին և դանդաղորեն հալչում… Այնպիսի լռություն էր տիրում, որ լսվում էր, թե նրանք ինչպես են ճրթճրթալով զրուցում միմյանց հետ:

Առաջինն ասաց. «Ես Հանգստությունն եմ: Ցավոք, ոչ ոքի պետք չեմ, մարդիկ չեն կարողանում ինձ պահպանել: Մնում է միայն հանգչել»: Եվ մոմի լույսը հանգեց:

Երկրորդն ասաց. «Ես Հավատն եմ, և ցավոք, պետք չեմ ոչ ոքի: Մարդիկ չեն ցանկանում իմ մասին լսել, այդ պատճառով էլ իմաստ չունի այլևս վառվել»: Եվ այս ասելով՝ հանգեց:

Երրորդ մոմը տխրելով՝ ասաց. «Ես Սերն եմ: Այլևս վառվելու ուժ չունեմ: Մարդիկ ինձ չեն գնահատում: Նրանք չեն կարողանում ո՛չ սեր նվիրել, ո՛չ ստանալ այն»: Եվ այս մոմն էլ հանգեց:

Հանկարծ մի մանկիկ վազեց սենյակ: Երեք հանգած մոմերը տեսնելով՝ վախեցավ ու բացականչեց. «Ի՞նչ եք անում: Դուք պետք է վառվեք: Ես վախենում եմ մթությունից», և լաց եղավ:

Չորրորդ մոմը հուզված ասաց. «Մի՛ վախեցիր ու մի՛ լացիր: Քանի դեռ ես վառվում եմ, մյուս երեք մոմերն էլ կարելի է ինձնից վառել: Ես Հույսն եմ»:

 

Ռուսերենից թարգմանությունը՝ Էմիլիա Ապիցարյանի  

19.08.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․