Գրքեր

Դաունի համախտանիշ ունեցող մանկատան սաներն անցան բուժզննում

Մայիսի 10-ին Զորավոր Ս. Աստվածածին եկեղեցու համայնքը, «Արև երեխաներ» երեխաների առողջության և զարգացման կենտրոնի հետ համատեղ, ԱՀԹ առաջնորդական փոխանորդ Գերաշնորհ Տ. Նավասարդ արք. Կճոյանի օրհնությամբ և հոգևոր հովիվ Տեր Գրիգոր քահանա Գրիգորյանի գլխավորությամբ, կազմակերպեցին Նոր Խարբերդի մասնագիտացված մանկատան Դաունի համախտանիշ ունեցող տասներկու երեխաների քիթ-կոկորդ-ականջի (ՔԿԱ) սքրինինգ և իմպեդանսոմետրիա հետազոտություններ, որ անցկացվեցին թիվ 2 բուժմիավորման մանկական պոլիկլինիկայում: Բուժհետազոտությունների միջոցով ստուգվեց երեխաների լսողությունը:

«Արև երեխաներ» երեխաների առողջության և զարգացման կենտրոնի ատենապետուհի Լիլիթ Հայրապետյանը նշեց, որ տվյալ բուժհետազոտությունների արդյունքների հիման վրա խնդիր ունեցող երեխաները բուժում կանցնեն և հետագայում էլ վերահսկողության ներքո կգտնվեն:

Հին և Նոր Կտակարանների գլխավոր և հավիտյան անփոփոխ աստվածային պատվիրանը Աստծո և մերձավորի հանդեպ սիրո պատվիրանն է: Աստվածային այս պատվիրանը մարդու մեջ արմատավորում է նոր կյանքի սերմը, «որովհետև սերը ամբողջացնող շաղախն է ամեն ինչի» (Կող. 3:14): Անկեղծ և ջերմեռանդ սրտից բխած սերն անպայմանորեն արտահայտվում է գործերով. «Եղբայրնե՛ր, մեր սերը թող չլինի միայն խոսքով ու լեզվով, այլ գործով արտահայտված ճշմարիտ սեր» (Ա Հովհ. 3:18): Ճշմարիտ սերը ողորմած է և առատաձեռն, այն հոգ է տանում ոչ միայն մերձավորի արտաքին բարեկեցության, այլ նաև հոգու փրկության մասին: Աստծո և մերձավորի հանդեպ համաշխարհային սիրո պատվիրանը կարծես թե արևի կենտրոնն է, որից բխում են բոլոր մյուս պատվիրանները:

 

Կարինե Սուգիկյան

10.05.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․