Գրքեր

Երբ ուշ է

Թերթի խմբագիրը կեսօրին ինչ-ինչ պատճառներով չի կարողանում մասնակցել կարևոր գործնական հանդիպմանը և խորհում է, թե այլևս ուշ է իր կամեցած մտահաղացումը իրականացնել ու երեկոյան տխուր մտնում է եկեղեցի, սակայն վճռականորեն որոշում է, որ այսուհետ ամբողջ սրտով, հոգով ու մտքով ամեն ինչ թողնելու է Աստծու կամքին: Այդժամ զգում է, որ ինչ-որ մեկն իր կողքին է կանգնած և ասում է.
- Երբ մենք Աստծուն ենք վստահում, երբեք որևէ բան ուշ չէ իրականացնելու համար, որովհետև Աստված հավիտենական է և Նրա հետ հաղորդակցության մեջ չկա ուշ կամ շուտ հասկացություններ, այլ անսահմանություն և մշտապես նոր հնարավորություններ և լուսավոր հեռանկարներ, հատկապես մեր հավիտենական փրկության հարցում:
Խմբագիրը թեքվում է և տեսնում այն գործարարին, ում հետ անչափ ցանկանում էր կեսօրին հանդիպել, ով նույնպես որոշել էր երեկոյան եկեղեցի մտնել:
Գործարարը ժպտում է և շարունակում.
- Հիշի՛ր, թե ինչպես Աբրահամը ծեր տարիքում որդի ունեցավ կամ Մովսեսը ութսուն տարեկանից հետո մի ամբողջ ժողովուրդ առաջնորդեց կամ էլ խաչված, մեռնող ավազակը վայրկյանների ընթացքում հավիտենական փրկություն ունեցավ: Իսկ այժմ գնանք և քննարկենք այն, ինչի համար ցանկանում էինք հանդիպել այսօր...
 

 

Հովհաննես Մանուկյան

12.05.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․