Գնա և սիրիր

Մի մարդ, ծերի մոտ գալով, ասաց.

- Ուզում եմ Աստծուն սիրել, սովորեցրո՛ւ ինձ:

- Իսկ դու նախկինում որևէ մեկի սիրե՞լ ես,- հարցրեց ծերը:

- Ես աշխարհիկ բաներով՝ սիրով և այլն, չեմ հետաքրքրվում: Ես ուզում եմ դեպի Աստված գալ:

Ծերը կրկին ասաց.

- Փորձիր հիշել՝ երբևէ գոնե մի կնոջ, մի երեխայի, ինչ-որ մեկին սիրե՞լ ես:

Մարդը պատասխանեց.

- Արդեն ասացի քեզ, որ ես կրոնավոր մարդ եմ, այլ ոչ թե սովորական աշխարհական: Ինձ միայն դեպի Աստված տանող ճանապարհն է հետաքրքրում:

- Առայժմ դա հնարավոր չէ,- պատասխանեց ծերը,- նախ պետք է որևէ մեկին սիրես: Դա քո առաջին աստիճանը կլինի: Դու գագաթի մասին ես հարցնում, այնինչ ինքդ դեռ առաջին աստիճանին էլ ոտք չես դրել: Գնա՛ և գոնե մեկին սիրի՛ր:

Ռուսերենից թարգմանությունը՝ Էմիլիա Ապիցարյանի