Գրքեր

Հնարավորինս աջակցելով՝ հնարավոր դարձնենք մերձավորի երջանկությունը

Փետրվարի 6-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը Ադյան Կարինեին (43 տ.) հանձնեց դրամական օգնություն (100 եվրո) որ տրամադրել էին Ավստրիայում բնակվող տէր և տիկին Օհանէս Նալպանտեանը և Մարօ Աւետիսեանը: Կարինեն, իր ամուսինը և երկու դուստրերը բնակվում են Վարշավյան 2 բն.6 հասցեում: Ընտանիքի մայրը նշեց, որ իր կրտսեր դուստրը՝ Պարոնյան Մարիամը (8 տ.), մանկական ուղեղային կաթված է ստացել և հենաշարժողական խնդիր ունի: Մոսկվայում մի քանի լազերային վիրահատություն անցնելուց հետո, բարի մարդկանց աջակցությամբ, երկամսյա վերականգնողական բուժում է ստացել նաև Գերմանիայում, ինչը մեծ արդյունքներ է տվել: Լիարժեք քայլելու համար նրան անհրաժեշտ է ևս մեկ վիրահատություն և վերականգնողական բուժում անցնել Գերմանիայում:

«Ամուսինս, 1-ին խմբի հաշմանդամ լինելով, աշխատում է, որպեսզի կարողանանք հոգալ մեր նվազագույն կարիքները: Մեծ աղջիկս ուսանում է Երևանի թատրոյի և կինոյի պետական ինստիտում և որպես «Փարոս»-ում հաշվառված ընտանիք՝ նրա ուսման վարձը 70 %-ով զեղչեցին: Հուսով եմ, որ այս անգամ էլ բարի մարդիկ օգնության ձեռք կմեկնեն, որպեսզի Մարիամն ամբողջապես վերականգնի իր առողջությունը, լիարժեք կյանքով ապրի՝ իրականություն դարձնելով իր երգչուհի և բժշկուհի դառնալու մեծ երազանքը»,- ասաց Կարինեն:

Մերձավորի ցավը հասկանալու և նրան աջակցելու համար Հայր Պաիսիոս Աթոսացին հորդորում է. «Որպեսզի մեզ այցելի ներքին բարությունը, շատ օգտակար է, որ պատկերացնենք մեզ մերձավորի իրավիճակում: Այն ժամանակ մեզ ինքն իրեն կայցելի սերը, կարեկցանքը, խոնարհությունը և Աստծո օրհնությունը»:

Երբ Քրիստոսի անվանակիցներս՝ քրիստոնյաներս, մեր կողմից իրագործում ենք հնարավորը, ապա Աստված էլ իրագործում է անհնարինը: Ուստի փորձենք մեր հնարավորության չափով աջակից լինել փոքրիկ Մարիամին՝ հնարավոր դարձնելով նրա բուժումն արտերկրում:

Պարոնյան ընտանիքին աջակցելու նպատակով Մարիամի մոր՝ Ադյան Կարինեի անունով «Արարատբանկ»-ում գործում են հետևյալ հաշվեհամարները՝

1510021229930149 EUR

1510021229930158 RUB

1510021229930100 AMD

098279088, 099277088 մայր՝ Ադյան Կարինե

 

Կարինե Սուգիկյան

06.02.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․