Քահանաներ Ծխական խորհուրդ Տիկնանց միություն Երիտասարդաց միություն Ցերեկային կենտրոն 
Քրիստոնյա ընտանիք Հարցազրույցներ Ուխտագնացություն Սոցիալական ծառայություն
Հորձանուտն ու շուշանը
Հորձանուտն ափին մի սքանչելի շուշան տեսավ, որը նրա վրա ոչ մի ուշադրություն չէր դարձնում: Եվ նա որոշեց ամեն գնով գրավել նրան:
Ինչեր ասես, որ չառաջարկեց գեղեցկուհուն՝ և՛ իր ալիքների վրա պտտվել, և՛ ջրի զովությունը զգալ տապի ժամանակ, և՛ տարատեսակ զվարճանքների ու հաճույքների մի ողջ հորձանուտ:
Տատանվեց գեղեցկուհին: Նրան անհույս սիրող բզեզը նկատեց դա ու սկսեց ետ համոզել նրան.
- Կկործանի քեզ: Անհետ կկորչես:
Բայց շուշանը նույնիսկ լսել չէր ուզում:
- Նա այնքան ուժեղ է, գեղեցիկ ու խորհրդավոր,- առարկում էր նա,- կընդունեմ նրա առաջարկը:
- Ահա՛, թե ինչ,- բացականչեց բզեզը,- այդ դեպքում տե՛ս, թե քեզ ինչ է սպասվում:
Եվ թևիկները ծալելով՝ նետվեց հորձանուտի մեջ, որն էլ անխղճորեն պտտեց նրան նույն վայրկյանին: Շուտով բզեզն ընդմիշտ կորավ շուշանի աչքից, ով միայն հիմա հասկացավ, թե որն էր իսկական սերը…
Ռուսերենից թարգմանությունը՝ Էմիլիա Ապիցարյանի
