Գրքեր

Իմաստունն ու կրքերը

Վանքի վանահայրը՝ Հայր Աբրահամը, իմացավ, որ իրենց վանքի մոտակայքում մի ճգնավոր է ապրում, ով մեծագույն իմաստունի համբավ ունի:

Հայրը գտավ նրան ու հարցրեց.

- Եթե այսօր մի գեղեցկուհու տեսնեիր անկողնումդ, ապա կկարողանայի՞ր նրա մասին մտածել ոչ որպես կնոջ:

- Ոչ,- պատասխանեց իմաստունը,- բայց կկարողանայի զսպել ինձ ու չդիպչել նրան:

- Իսկ եթե անապատում մի կույտ ոսկեդրամներ տեսնեիր,- շարունակեց վանահայրը,- կկարողանայի՞ր դրանց որպես հասարակ քարերի նայել:

- Ոչ, բայց կկարողանայի սանձել ինձ ու չդիպչել դրանց:

- Իսկ եթե երկու վանական եղբայրներ գային քեզ մոտ, որոնցից մեկն ատելիս լիներ քեզ, իսկ մյուսը՝ սիրելիս, կկարողանայի՞ր նրանց մասին միանման կարծիք ունենալ:

- Դա չափազանց դժվար կլիներ ինձ համար,- պատասխանեց ճգնավորը,- սակայն երկուսի նկատմամբ էլ ինձ նույն կերպ կպահեի:

- Ես կբացատրեմ ձեզ, թե ով է իմաստունը,- մենաստան վերադառնալով՝ ասաց Հայր Աբրահամը,- դա այն մարդն է, ով չի փախչում կրքերից, այլ կարողանում է սանձահարել դրանք:

 

Ռուսերենից թարգմանությունը՝ Էմիլիա Ապիցարյանի 

24.06.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․