Գրքեր

Ինչպե՞ս քաղցր ձմերուկներ աճեցնել

Մի մարդ որոշեց Պաիսիոս Աթոսացու հետ խորհրդակցել մի գայթակղության վերաբերյալ: Երբ նա շփվում էր հպարտ ապրելակերպ ունեցող ընկերների հետ, ապա ինքն էլ իրեն այդպես պահում: Եվ որքան էլ ջանք էր թափում, միևնույն է, չէր կարողանում ուղղվել: Մինչ նա մտածում էր, թե հարցն ինչպես ձևակերպի, ինչ-որ մեկը մի հիանալի ձմերուկ նվեր բերեց ծեր վանականին: Պաիսիոսը վերցրեց այն ու դիմեց ուխտավորներին.

- Քանի որ ձմերուկ բերեցին, ինձ մի դանակ տվեք, որ կտրեմ: Իսկ հետո մի գաղտնիք կասեմ ձեզ, թե ինչպես անել, որպեսզի ձմերուկները միշտ քաղցր ու համեղ լինեն:

Այնուհետև ծերը կտրեց ձմերուկն ու ամենքին մի կտոր տվեց: Երբ հերթն այն մարդուն հասավ, ով ցանկանում էր հարց տալ, վանականը նրան նայեց իր խորաթափանց հայացքով ու ժպիտով ասաց.

- Եթե ձմերուկն ու դդումն իրար կողքի տնկես, ապա ձմերուկի ողջ քաղցրությունը դդումն իրեն կվերցնի և ձմերուկն անհամ կլինի: Իսկ դդումը, որքան էլ որ քաղցրությունը վերցնի, միևնույն է, դդում կմնա: Այդ պատճառով էլ, եթե ցանկանում ենք քաղցր ու համեղ ձմերուկներ ունենալ, ապա պետք է դդումներից հեռու տնկել դրանք:

 

Ռուսերենից թարգմանությունը՝ Էմիլիա Ապիցարյանի 

30.03.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․