Գրքեր

Միտքը պահելու մասին

Պատմեց մեկը, թե մի անգամ փիլիսոփաներից ոմանք կամենում էին փորձել մենակյացներին: Մինչ մենակյացներից մեկն անցնում էր՝ ազնվակերպ հագնված, նրան ասացին. «Ե՛կ այստեղ, մենակյա՛ց, իսկ նա բարկացած և թշնամացած նրանց հանդեպ, անցավ-գնաց: Անցավ դարձյալ ոմն ծեր լիբիացի, որը հին զգեստներ էր հագած, և նրան ասացին. «Դո՛ւ, չար մենակյա՛ց, ե՛կ այստեղ»: Երբ ծերը փութով մոտ գնաց, նրան ապտակեցին, իսկ սա մյուս այտը դեմ տվեց: Փիլիսոփաները, վեր կենալով, երկրպագեցին նրան՝ ասելով. «Ճշմարիտ մենակյացն ահա սա է»: Իրենց մեջ նստեցրին նրան և ասացին. «Դուք ի՞նչ եք անում մեզնից առավել. եթե դուք պահում եք, մենք էլ ենք պահում, եթե հսկում եք, մենք էլ ենք հսկում, և ինչ որ դուք եք անում՝ անում ենք և մենք: Արդ, ի՞նչ ունեք առավել, քան մենք»: Ծերն ասաց. «Մենք մեր միտքը պահում ենք»: Փիլիսոփաները նրան ասացին. «Մենք այդ չենք կարող անել»:

 

«Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016

09.07.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․