Գրքեր

Օգնություն

Մեծահարուստը շտապում է մի քահանայի տուն, և տեսնում աթոռին նստած զառամյալ մի ծերունու, ով կարողանում է հենափայտով մի կերպ քայլել: Հուսախաբված հարուստն ասում է.

-Աստված ինձ հուշեց, որ շտապեմ այս հոգևորականի մոտ, ով կարող է օգնել իմ մերձիմահ զավակին, բայց տեսնում եմ, որ, ընդհակառակը, այս մարդն օգնության կարիք ունի և նույնիսկ չի կարողանում առանց հենափայտի շարժվել: Իմ նյութական կարողությամբ անզոր եղա օգնել իմ երեխային, հավանաբար Աստված ինձ ուղարկեց այստեղ, որպեսզի իմ հարստությամբ ու դրամով օգնեմ այս մարդուն:

Ծերունի քահանան ժպտում է, հենվելով հենափայտին կանգնում և պատասխանում.

-Մի՛ երկմտիր, հավատա՛ և վստահի՛ր Աստծուն: Այժմ մյուս սենյակից վերցնեմ իմ ձեռաց խաչը և գնանք զավակիդ մոտ:

Այնուհետև հայտնվում են երկու հրեշտակներ, որոնք բռնում են քահանայի ձեռքերից ու նրան արագորեն տանում սենյակից սենյակ: Ապշած մեծահարուստն այլևս որևէ խոսք չի կարողանում ասել:

Երբեմն Աստծու կողմից օգնությունը գալիս է այնտեղից, որտեղից չես սպասում և նրանից, ումից չես ակնկալում:

 

Հովհաննես Մանուկյան

11.11.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․